Meneer MJ Smit is ‘n gekwalifiseerde SABOD Hip-Hop meneer wat al 15 jaar lank dans. Hy het ook Moderne Dans agtergrond en beoog om in 2024 voort te gaan om sy Moderne Dans afrigterskwalifikasie te verwerf. Hy neem reeds vanaf ouderdom 6 jaar deel aan kompetisies en het in 2023 gekwalifiseer om Suid Afrika in Croatia met die Dance World Challenge te verteenwoordig. Hy gee reeds vanaf 2022 klas en help sedert 2022 met kompetisie choreografie.
Juffrou Clarissa Meyer is ‘n gekwalifiseerde SABOD Moderne Dans afrigter wat al 13 jaar lank dans. Sy het ook Ballet en Hip Hop agtergrond en beoog om in 2024 voort te gaan om haar Hip-Hop afrigterskwalifikasie te verwerf. Sy neem reeds vanaf ouderdom 9 jaar deel aan kompetisies en het in 2023 gekwalifiseer om Suid Afrika in Croatia met die Dance World Challenge te verteenwoordig. Sy gee reeds vanaf 2022 klas en help sedert 2023 met kompetisie choreografie en danse.
Stefan Nel het sy Gr.8 Trinity eksamen in Tromme met Lof geslaag en bespeel reeds vir 11 jaar die instrument. Hy is betrokke by verskeie gemeentes se lofprysingbedieninge en is ook op ‘n permanente basis by Moreletta NG Kerk as tromspeler betrokke.
Stefan gee reeds voltyds vir 7 jaar klas en is huidiglik betrokke by St.Peter’s Preparatory School, St.Peter’s College asook Grayston Preparatory School waar hy private tromklasse aanbied.
Yolandi Prins het drama geswot maar het haar kunsloopbaan hervat toe haar tweede kind gebore is. Dit was nog altyd n droom om vir jong kinders kuns te gee. Sy glo dat elke kind n kunstenaar is.
Sy self is n suksesvolle kunstenaar en skilder onder die naam Mooies deur Yoyo Prins. Sy illustreer ook vir Jaco Jacobs (Lapa en Pan Mcmillan uitgewers.)
Yolandi hou baie van fyner detail, helder kleure en om te eksperimenteer met verskeie mediums. Dit is haar fokus om elke kind se unike styl te ontwikkel en sy wil graag ook die kuns van illustreer met jong kinders deel. Daar is dalk n nuwe generasie kinderboek illustreeerders wat onder haar liefdevolle leiding kan blom.
Andrew Gradwell bied sedert 2007 kitaarlesse aan by Lynnwood Laerskool. Hy gee ook klas by Cornwall Hill College en by Laerskool Anton van Wouw. Hy speel 7 jaar in die SA Lugmagorkes en ‘n verdere 4 jaar in die SA Leërorkes as hoofmusikant. Andrew is reeds sedert 1992 betrokke by musiekonderrig en beoefen die beroep voltyds sedert 2003. Hy het Graad 5 in musiekteorie by Royal Schools en Graad 6 kitaar by Trinity College.
Mnr. Waldo is passievol oor kitaarspel en musiek en beskik oor ‘n BTech (Jazz and Popular Music), National Diploma (Jazz and Popular Music), UNISA grade 7 (Classical Guitar), UNISA grade 4 (Classical Piano). Hy het 12 jaar afrigtings- ervaring en deel sy passie met die leerders van Laerskool Lynnwood en Waterkloof Hoërskool. Hy tree ook aktief op saam met sy musiekgroep en as uitvoerende kunstenaar.
Dr. Marie McLachlan is ’n hoogs bekwame dosent met D Mus (Pta), M Mus (Wits), Dip A (Pta Kons), UOLM (Blokfluit), UOLM (Musiekteorie), FTCL, LTCL (Teacher and performer) en THOD (Kuns) agter haar naam.
Dr.Marie was aanvanklik onderwyser in Beeldende Kunste. Haar musiekloopbaan volg waartydens sy verbonde was aan die Departement Uitvoerende Kunste van die Tshawane Universiteit van Tegnologie. Sy doseer Blokfluit, Barokensemble, Gehoorontwikkeling, Harmonie en Kontrapunt en was ook betrokke by Teatermusiek. Na die sluiting van die musiekdepartement aldaar aanvaar sy ’n pos by Pro Arte Alphenpark en beklee deeltydse poste aan die Universiteite van Noord-Wes en Pretoria. Vir 35 jaar tree sy op as eksaminator vir UNISA. Dr.Marie onderrig beginners tot onderwysers en eksamineer en beoordeel landswyd. Haar navorsingsprojek “Music Literacy” word ook in boekvorm gepubliseer.
Xanthé Engelbrecht is ‘n oud-Lynnie wat sedert 2017 Viool- en Klavieronderrig bied by o.a. NuSong en Sela musiek skole asook Vathos Musiek en Musiikki Studio’s en Grace Notes akademie. Sy het gematrikuleer aan die Hoërskool Menlopark en het haar Graad 8 Klavier, Graad 7 Viool en Graad 7 Teorie deur verskeie internasionale instansies votlooi. Sy het menigte kursusse gedoen wat verband hou met musiek onderrig, insluited “Colourstrings”, “Colourkeys” en ORFF (‘n onderrigmetode gebaseer op Karl Orf se musiekontwikkeling denkskool).
Xanthé het klavier begin speel op die ouderdom van 4 en viool op die ouderdom van 5. Sy het groot liefde vir musiek en dit is deel van haar alledaagse lewe. Sy glo elke student het ‘n ander leerstyl nodig en die onderwyser moet die behoefte kan vasstel en daarvolgens aanpas. Sy gebruik verskeie boeke/addisionele materiaal om seker te verseker haar studente ibekwaam is in hulle instrument, maar ook in musiek algemene kennis. ‘n Liefde vir musiek is wat sy graag by haar leerders wil kweek en sy is verheug oor die geleentheid om dit by haar alma-mater te kan doen!
Dr. Bertha le Roux is ‘n oud-leerder van Paarl Girls High en ‘n gesoute klavier en harmonie pedagoog, dosent, eksamineerder en beoordelaar. Haar formele opleiding het aanvang geneem op ouderom 5 en sy het haar eerste musiek kompetisie op 8 jaar gewen. Van daar het sy voluit aan haar musiek gewoeker en top van haar klas gegradueer in haar studies by die Univisersiteit van Kaapstad.
Sy het daarna verder studeer aan die Universiteit van Pretoria en het beide haar BMus Hons en MMus in klavier pedagogie Cum Laude gelsaag onder die leiding van Prof. Joseph Stanford. Dr. Le Roux behaal ook haar Klavier Onderwys Lisensiaat aan UNISA sowel as twee “Performers Licentates” van die Royal Schools of Music en Trinity College of Music, London. Sy het haar doktorale studies in 2010 voltooi onder leiding van Prof.Caroline van Niekerk.
Dr. Bertha het ‘n aktiewe lewe in haar musiek en, behawle vir haar UNISA verpligtinge, het sy ook ‘n privaat musiekstudio, Précis Musical Tuition & Theory. Haar onderrig op een-tot-een basis fokus op die bemagtiging van die student. Sy is ‘n baie ervare beoordelaar en beoordeel regoor Suid-Afrika. Sy skryf ook gereeld artikels vir geaktrediteerde musiek joernale en geniet reis en fotografie in haar vrye tyd.