Laerskool Lynnwood het oor die jare heen bekend geword vir sy unieke benadering tot die uitdagings wat daar aan vandag se skole gestel word. Hierdie “anderster” manier van dinge doen probeer ons ook by die hoërskole se sport van toepassing maak.

Ons sien sport as ‘n absolute noodsaaklike deel van elke kind se opvoeding. Sport is een van die belangrikste meganismes om ons kinders die waardes te leer wat van hul sulke puik Lynnies maak. Ons benadering tot sport verseker dat ons oud-Lynnies op soveel verskillende vlakke presteer nou, en op ‘n latere, meer belangrike stadium, in hul lewens. Dit is waarom die beste hoërskole in die land jaarliks toustaan om Lynnies na hul skole te lok.

Elke Lynnie weet hulle is hier om te leer, en nie net te presteer. Die prestasies wat ons kinders behaal word binne konteks geplaas en ons probeer om altyd die fokus te hou op die “groter prentjie”. Dit is waarom ons kinders waarlik vir God en Sy woord die ereplek in ons harte kan gee.